Кездесудің басты тақырыбы Шығыс Қазақстан облыстық филиалын дамыту және екіжақты келісім шеңберінде құрылатын Қазақстан Республикасы мен Қытай Халық Республикасының Бірыңғай көп салалы ауыл шаруашылығы зертханасын ашуға дайындық болды. Сыртқы жөндеу-құрылыс және инфрақұрылымдық жұмыстарды аяқтау барысына ерекше назар аударылды. Облыс әкімдігі жобаны іске асыруға белсенді қолдау көрсетеді, соның арқасында барлық құрылыс іс-шаралары белгіленген тәртіппен жүргізіледі.
Тараптар сондай-ақ заманауи зертханалық жабдықтар мен стандартты үлгілерді Қазақстан Республикасының Өлшем құралдарының мемлекеттік тізіліміне енгізу мәселелерін талқылады. Бұл жабдықтарды сапа және биологиялық қауіпсіздікті ресми бақылау шеңберінде пайдалануға, сондай-ақ филиалдың аккредиттеу саласын кеңейтуге мүмкіндік береді.
Кездесу барысында зертхананың ғылыми әлеуетін егжей-тегжейлі қарастырды. Бүгінде Шығыс Қазақстан филиалы жоғары дәлдікті талдау техникасымен, оның ішінде массалық спектрометриясы бар сұйық хроматограф (ВЭЖХ-МС), иондық хроматографтар, индуктивті байланысты плазмасы бар атом-эмиссия және массалық спектрометрлер, сондай-ақ мамандандырылған онлайн-платформалар арқылы зерттеулерді трансляциялау мүмкіндігі бар цифрлық микроскоптармен жабдықталған. Бұл халықаралық ғылыми өзара іс-қимыл, қашықтықтан оқыту, кадрлар даярлау және бірлескен зерттеулер жүргізу үшін кең жағдай жасайды.
Мұндай жабдықтың деңгейі филиалға азық-түлік қауіпсіздігі саласындағы тереңдетілген зерттеулерді жүргізуге, қазіргі заманғы әдістемелерді әзірлеуге және енгізуге, сондай-ақ трансшекаралық форматта, әсіресе Қытай Халық Республикасымен шекара маңындағы ынтымақтастықты ескере отырып, сараптамалық және талдамалық қызметтер көрсетуге мүмкіндік береді.
