Конференцияның жұмысына Қазақстан Республикасының Денсаулық сақтау министрі Альназарова Акмарал Шәрипбаевна, Ауыл шаруашылығы вице-министрі Кенжеханулы Ермек, Дүниежүзілік жануарлар денсаулығы ұйымының Бас директорының кеңесшісі Романо Марабелли, сондай-ақ Швейцария, Қытай, Оңтүстік Корея, Беларусь, Тәжікстан, Ресей, Түркия, Грузия және басқа елдердің жетекші ғалымдары және сарапшылары қатысты. Сондай-ақ Президент Әкімшілігі, мемлекеттік органдар, Алматы қаласы әкімдігінің өкілдері, Қазақстан Республикасы Парламенті Мәжілісінің депутаттары және QazBioPharm ұлттық холдингінің басшылары қатысты.

 

Конференцияның мақсаты ветеринариялық саладағы ғылым мен практиканың өзара іс-қимылын нығайту, халықаралық тәжірибе алмасу, биологиялық қауіпсіздікті қамтамасыз ету бойынша қазіргі заманғы қиындықтарды талқылау және стратегиялық бағыттарды әзірлеу, сондай-ақ ветеринариялық практикаға инновациялық технологияларды интеграциялау.

Жалпы отырыс аясында Тәуелсіздік жылдары ветеринариялық ғылымның негізгі жетістіктері жарық көрді. Отандық және шетелдік сарапшылар ғылыми баяндамалармен сөйледі. Конференцияның жұмысы төрт бағыт бойынша секциялық форматта жалғасты:

• Жануарлардың жұқпалы, инвазиялық және жұқпалы емес ауруларын диагностикалау, алдын алу және емдеудің өзекті мәселелері;
• Биологиялық қауіпсіздік саласындағы биотехнологиялық инновациялар: зерттеулерден бастап коммерцияландыруға дейін;
• Молекулярлық биология және микроорганизмдердің геномикасы: биологиялық және азық-түлік қауіпсіздігін қамтамасыз ету;
• Ветеринариялық ғылымдағы түбегейлі тәсілдер: тәжірибе және перспективалар.