РВЗ бас директоры Темірхан Амантайұлы Елшібаевтың тапсырмасы бойынша 2026 жылғы 3–4 қарашада жануарлардағы сібір жарасын диагностикалауға арналған ПТР-тест-жүйелерін қолдану бойынша мамандарға арналған трансляциялық курс өткізілді.
Трансляциялық курсты зерттеу әдістерін әзірлеу саласындағы жетекші ғылыми қызметкер жүргізді.
Іс-шараға Республикалық ветеринариялық зертхананың облыстық және өңірлік филиалдарының 40 маманы қатысты. Курс тікелей онлайн-трансляция форматында өткізіліп, әртүрлі филиалдардың мамандарын бір уақытта қамтуға мүмкіндік берді.
Курс барысында қатысушылар диагностикалық жинақтардың сипаттамаларымен, оларды қолдану қағидаларымен, реагенттермен жұмыс істеу ерекшеліктерімен және жануарлардағы сібір жарасын анықтауға арналған ПТР-зерттеулер жүргізудің негізгі кезеңдерімен танысты.
ПТР-тест-жүйелерін зертханалық тәжірибеде қолданудың практикалық аспектілеріне және зерттеулер жүргізу кезінде белгіленген талаптарды сақтауға ерекше назар аударылды.
Мұндай трансляциялық курстар мамандардың кәсіби құзыреттілігін арттыруға, ПТР-тест-жүйелерімен жұмыс істеу дағдыларын жетілдіруге және сібір жарасын зертханалық диагностикалау сапасын қамтамасыз етуге бағытталған.
