Оқыту Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің ветеринария жөніндегі ұлттық референттік орталығы базасында жүргізіледі. Орталық еліміздің жетекші ветеринариялық зертханаларының бірі болып табылады, бұл қатысушыларға алдыңғы қатарлы технологиялар мен кәсіби тәжірибеге қол жеткізуге мүмкіндік береді.

Оқу бағдарламасы Кеден одағының Техникалық регламенті (ТР ТС / ТР ЕАЭС) талаптарына толық сәйкес ұйымдастырылған.Курс шеңберінде мамандар жануарлардан алынатын өнімдердегі зиянды заттарды анықтауға мүмкіндік беретін қазіргі заманғы әдіспен ЖЭЖХ/МС -мен жұмыс істеудің теориялық негіздері мен практикалық дағдыларын зерттейді.

Бұл оқыту халықаралық стандарттарды енгізуге және ветеринариялық-санитариялық қауіпсіздіктің жоғары деңгейін қамтамасыз етуге бағытталған зертхана қызметкерлерінің біліктілігін арттырудағы маңызды қадам.