Сапар барысында Темірхан Амантайұлы филиал бөлімшелерінің қызметімен танысып, зертханалық үй-жайларды қарап, жабдықтың техникалық жай-күйі мен жабдықталуын бағалады.

Бұдан басқа, бас директор келесі аптада Алматы өңірлік филиалы базасында өтетін микробтарға қарсы күрес (АМР) мәселелері бойынша оқуға дайындық барысын тексерді. Оқуға облыстық филиалдардың мамандары қатысады, ал сабақтарды БҰҰ Азық-түлік және ауыл шаруашылығы ұйымының (ФАО) сарапшылары өткізеді.

Отырыс барысында өндірістік процестер, әдістемелік стандарттарды сақтау, кадрларды даярлау, біліктілікті арттыру және еңбек жағдайларын қамтамасыз ету мәселелері талқыланды. Бас директор қызметкерлердің ұсыныстары мен пікірлерін тыңдап, орталық аппарат пен өңірлер арасындағы ашық диалог бүкіл жүйенің орнықты дамуының негізі екенін атап өтті.

Мұндай жұмыс сапарлары өзара байланыстарды нығайтуға ықпал етеді, туындайтын мәселелерге жедел жауап беруге мүмкіндік береді, командалық рухты арттырады және жалпы мақсаттарға қол жеткізу үшін барлық бөлімшелердің күш-жігерін біріктіреді.