Практикалық кезең барысында қатысушыларға Randox компаниясының Evidence Investigator аналитикалық жүйесінің жұмысы көрсетілді. Ит және сүт үлгілерінде сынама дайындау кезеңдерінен бастап нәтижелерді өңдеуге және түсіндіруге дейін зертханалық талдаудың толық циклі ұсынылды. Қатысушылар жабдықтың функционалдық мүмкіндіктері, оның қолдану ерекшеліктері және зертханалық зерттеулер практикасында пайдаланудың артықшылықтарымен танысты.
Семинардың қорытындысы бойынша Республикалық ветеринариялық зертхананың мамандары оқудан өткенін растайтын атаулы сертификаттар алды. Алынған білім мен практикалық дағдылар бақылау әдістерін жетілдіруге, зертханалық зерттеулердің сапасы мен сенімділігін арттыруға, сондай-ақ азық-түлік өнімдерінің қауіпсіздігін қамтамасыз етуге бағытталған зертхананың одан әрі қызметінде пайдаланылады.
Осындай іс-шараларға қатысу заманауи технологиялық шешімдерді енгізуге, мамандардың кәсіби даярлау деңгейін арттыруға және өзекті талаптар мен халықаралық стандарттарға сәйкес зертханалық бақылау жүйесін дамытуға ықпал етеді.
