Республикалық ветеринариялық зертхананың бас директорының қолдауымен Павлодар облыстық филиалында зертхана қызметінің ашықтығын арттыру, мүдделі ұйымдармен өзара іс-қимылды нығайту және халықты ветеринариялық диагностиканың қазіргі мүмкіндіктері туралы хабардар ету мақсатында ұйымдастырылған Ашық есік күні өтті.
Іс-шара аясында қонақтар үшін филиалдың негізгі құрылымдық бөлімшелері бойынша танысу экскурсиясы ұйымдастырылды. Қатысушыларға сынама қабылдау, жануарлар ауруларын диагностикалау және азық-түлік қауіпсіздігі бөлімдерінің жұмысын көрсетті, зертханалық зерттеулер жүргізудің негізгі кезеңдерімен таныстырды, сондай-ақ өңірдің эпизоотиялық әл-ауқатын және жануарлар өнімдерінің қауіпсіздігін қамтамасыз етудегі зертханалық бақылаудың рөлі туралы айтты.
Филиал мамандары зертхана қызметінің негізгі бағыттарын егжей-тегжейлі таныстырып, қолданылатын зерттеу әдістері, қазіргі заманғы диагностикалық жабдықтар және зертхана базасының мүмкіндіктері туралы айтып берді.
Ашық диалог барысында қатысушылар қызықты сұрақтарға жауап алды, көрсетілетін қызметтер спектрімен танысты және ветеринария және ауыл шаруашылығы саласындағы өзара іс-қимылдың өзекті мәселелерін талқылады. Мұндай іс-шараларды өткізу ветеринариялық қызмет, білім беру мекемелері, ауыл шаруашылығы тауарын өндірушілер және басқа да мүдделі тараптар арасындағы ынтымақтастықты нығайтуға, сондай-ақ Қазақстан Республикасының ветеринариялық бақылау жүйесіне сенім деңгейін арттыруға ықпал етеді.
