Республикалық ветеринариялық зертхананың бас директоры Елшібаев Темірхан Амантайұлының қолдауымен Астана өңірлік филиалының базасында: Дәрілік препараттардың қалдық мөлшерлерін массалық-спектрометриялық анықтаумен жоғары тиімді сұйық хроматография әдісімен зерттеу (ВЭЖХМС) тақырыбы бойынша мамандандырылған курс басталды .
Оқу үш аптаға арналған және талдаудың қазіргі заманғы аспаптық әдістерін тереңірек меңгеруге бағытталған. Курста Астана өңірлік, Солтүстік Қазақстан және Қостанай облыстық филиалдарының азық-түлік қауіпсіздігі зертханаларының мамандары қатысады.
Қолданбалық сабақтарды шақырылған сарапшылар өткізеді:
Штешин Максим Олегович — қолдану жөніндегі бас маман, және Парфенова Ксения АлександровнаБағдарлама аясында қатысушылар ВЭЖХМС әдісінің теориялық негіздерін, жабдықтардың баптау және калибрлеу ерекшеліктерін, сынама дайындау кезеңдерін, әдістемелерді бекітуге қойылатын талаптарды, сондай-ақ алынған нәтижелерді түсіндіру қағидаттарын зерттейді.
Курстың бірінші күні бас директор сынақ дайындаудың барысымен және оқу үдерісін ұйымдастырумен танысып, зертханалардың қызметіне қазіргі заманғы талдамалық технологияларды енгізудің маңыздылығын атап өтті және қатысушылардың алдыңғы қатарлы әдістерді сәтті меңгеруіне сенім білдірді.
Курс Кеден одағының 021/2011 «Азық-түлік қауіпсіздігі туралы» техникалық регламентіне сәйкес ветеринариялық дәрілік заттардың қалдық санын бақылау бөлігінде іске асырылады және зертханалық зерттеулердің қолданыстағы нормативтік талаптарға сәйкестігін қамтамасыз етуге бағытталған.
Осы оқуды жүзеге асыру мамандардың біліктілігін жүйелі түрде арттыруға, кәсіби құзыреттілігін нығайтуға және зертханалық зерттеулердің нәтижелерінің сенімділігі деңгейін арттыруға ықпал етеді. Талдау базасын жетілдіру Қазақстан Республикасының ұлттық азық-түлік қауіпсіздігінің маңызды құрамдас бөлігі болып табылатын азық-түлік өнімдерінің сапасы мен қауіпсіздігін бақылаудың тиімділігіне тікелей әсер етеді.
