2026 жылдың қаңтарында Республикалық ветеринариялық зертхананың Ақмола облыстық филиалында қазандықтағы құбырдың жарылуына байланысты авариялық жағдай болды.
Апатты анықтағаннан кейін Ақмола облыстық филиалының қызметкерлері тез арада жылу жүйесінің тоңазылуын болдырмауға кірісті. Таңертеңгі сағат 05:00-ге дейін үш сағат ішінде резервтік пеш қосылды, бұл жылу трассасының жұмыс істеу қабілетін сақтап қалуға және ауыр апатты болдырмауға мүмкіндік берді.

Оқиға туралы ақпарат дереу Республикалық ветеринариялық зертхананың бас директорына жеткізілді. Оның тапсырмасы бойынша жедел түрде қыс кезеңінде филиалдың үздіксіз жұмыс істеуін қамтамасыз ететін басқарушылық және қаржылық шешімдер қабылданды. Уақытша техникалық шектеулерге қарамастан, температуралық режим тұрақты бақылауда болды.
Қайталамалы ақаулар тәуекелін болдырмау үшін басшылықтың шешімі бойынша белгіленген стандарттарға толық сәйкес келетін жаңа қазандық жабдықтарын дайындау және жеткізу ұйымдастырылды.
2026 жылғы 22 қаңтардағы жағдай бойынша жаңа қазандықты орнату жұмыстары аяқталды. Қазіргі уақытта жылумен жабдықтау жүйесі штаттық режимде жұмыс істейді, ғимарат жылумен толық қамтамасыз етіледі.
Филиал ұжымының жедел іс-әрекеттері, сондай-ақ Кәсіпорын басшылығының уақтылы басқару шешімдері төтенше ауа райы жағдайында авариялық жағдайдың дамуын болдырмауға және бөлімшелердің тұрақты жұмысын қамтамасыз етуге мүмкіндік берді.