EIOS (Epidemic Intelligence from Open Sources) — Дүниежүзілік денсаулық сақтау ұйымының ашық көздерден алынған деректерді пайдалану арқылы қоғамдық денсаулыққа қауіптерді ерте анықтауды көздейтын бастамасы. ДСҰ басшылығымен бұл жүйе әртүрлі ведомстволар мен ұйымдардың күш-жігерін біріктіріп, әлемдік деңгейде ақпарат жинауды кеңейтуге және тездетуге мүмкіндік береді.

Үш күн бойы Қазақстанның әртүрлі құрылымдарынан мамандар EIOS платформасының мүмкіндіктерін зерттеді, тәжірибе алмасты және эпидемиологиялық қадағалау саласындағы ведомствоаралық ынтымақтастықты нығайтты.

Дүниежүзілік денсаулық сақтау ұйымының Қазақстандағы елдік кеңсесі Қазақстан Республикасы Ауыл шаруашылығы министрлігіне тұрақты және жемісті ынтымақтастығы үшін алғыс білдірді. бастаманы жалғастыру шеңберінде 2025 жылдың қыркүйегінде Қазақстан мамандарына ашық көздерден эпидемиологиялық мониторинг жүйесі бойынша кезекті семинар өткізу жоспарлануда.