Республикалық ветеринариялық зертхананың бас директорының қолдауымен Қостанай облыстық филиалында зертхана қызметінің ашықтығын арттыру, салалық ұйымдармен өзара іс-қимылды дамыту және халықты ветеринариялық диагностиканың қазіргі мүмкіндіктері туралы хабардар ету мақсатында ұйымдастырылған Ашық есік күні өтті.
Шараға Ветеринариялық станция КГП мамандары, ауыл шаруашылығы колледжінің өкілдері, өңірдің тауар өндірушілері, сондай-ақ ауыл шаруашылығы және ветеринария саласындағы қызметті жүзеге асыратын мүдделі ұйымдардың өкілдері қатысты.
Қонақшылар үшін зертхананың негізгі құрылымдық бөлімшелері бойынша танысу экскурсиясы ұйымдастырылды. Іс-шара қатысушыларына сынама қабылдау, жануарлар ауруларын диагностикалау және азық-түлік қауіпсіздігі бөлімдерінің жұмысын көрсетті, сондай-ақ зертханалық зерттеулер жүргізудің негізгі кезеңдерімен таныстырды.
Филиал мамандары зертхана қызметінің бағыттары, жүргізіліп жатқан зерттеулер, қолданылатын диагностика әдістері және ветеринариялық қауіпсіздікті қамтамасыз етудің қазіргі тәсілдері туралы егжей-тегжейлі баяндады.
Іс-шара барысында қатысушылар диагностикалық зерттеулер жүргізу кезінде пайдаланылатын заманауи зертханалық жабдықтардың жұмысымен танысты, зертхананың мүмкіндіктері, көрсетілетін қызметтер спектрі және ветеринариялық зертханалық қызметті одан әрі дамыту перспективалары туралы ақпарат алды.
Ашық диалог аясында филиал мамандары келіп түскен сұрақтарға жауап берді, қатысушылармен ветеринария және ауыл шаруашылығы саласындағы өзара іс-қимылдың өзекті мәселелерін талқылады, сондай-ақ зертханалық бақылаудың сапасы мен тиімділігін арттыру мәселелері бойынша пікір алмасты.
Ашық есік күнiн өткiзу ветеринариялық қызмет, бiлiм беру мекемелерi мен ауыл шаруашылығы тауарын өндiрушiлерi арасындағы өзара iс-қимылды нығайтуға, зертханалардың қызметi туралы хабардар ету деңгейiн арттыруға және Қазақстан Республикасының ветеринариялық бақылау жүйесiне деген сенiмдi дамытуға ықпал етедi.
