Республикалық ветеринариялық зертхананың бас директоры Елшибаев Темирхан Амантаевичтің бастамасымен Кәсіпорында корпоративтік басқару деңгейін арттыруға, ішкі бақылау жүйесін жетілдіруге және Кәсіпорын қызметіне тәуекелге бағдарланған тәсілді дамытуға бағытталған «Риск-менеджмент» тақырыбында онлайн-оқыту семинары өткізілді.
Оқуға Орталық аппараттың және Республикалық ветеринариялық зертхананың филиалдарының қызметкерлері, оның ішінде қаржы, кадр және әкімшілік бөлімшелер қызметкерлері қатысты. Семинарды өткізу қазіргі заманғы басқару құралдарын енгізу және үздік халықаралық тәжірибелерге сәйкес тәуекелдерді басқарудың тиімді жүйесін қалыптастыру бойынша кезекті кезең болды.
Оқуды тәуекелдерді басқару саласындағы тәжірибелік сарапшы Ержан Әмірғалиұлы Акатаев өткізді. Семинар аясында тәуекел-менеджмент жүйесін құру және дамытудың өзекті мәселелері, ISO 31000, COSO ERM және FERMA халықаралық стандарттары, тәуекел-аппетитті анықтау мәселелері, тәуекелдердің тізілімі мен картасын қалыптастыру, сондай-ақ ұйымдардың қызметіне тәуекелге бағдарланған тәсіл енгізудің практикалық аспектілері қаралды.
Ұйымның тәуекел-аппетитін анықтау, тәуекелдер тізілімдері мен карталарын қалыптастыру, құрылымдық бөлімшелер арасында жауапкершілікті бөлу, жоспарлау және басқару процестеріне тәуекелге бағдарланған тәсіл енгізу, сондай-ақ ішкі және сыртқы әсер ету факторларына ұйымның орнықтылығын арттыру мәселелеріне ерекше назар аударылды.
Семинар аясында тәуекел оқиғаларының пайда болуы ықтималдығын бағалаудың қазіргі заманғы әдістері, тәуекелдерді іске асырудың салдарларын талдау, реакция шараларын таңдау және әлеуетті қауіптерді барынша азайту қарастырылды.
Алынған білімдер Республикалық ветеринариялық зертханада тәуекел-менеджмент жүйесін одан әрі іске асыру, ішкі бақылау процестерін жетілдіру, басқару шешімдерінің сапасын арттыру және тәуекелдерді басқарудың корпоративтік мәдениетін нығайту кезінде пайдаланылатын болады.
Республикалық ветеринариялық зертхана кадрлық әлеуетті дамыту, қазіргі заманғы басқару технологияларын енгізу және Кәсіпорын қызметінің тиімділігін арттыру жөніндегі жұмыстарды ашықтық, жауапкершілік және орнықты даму қағидаттарына сәйкес жүйелі түрде жалғастыруда.
