Іс-шараға Республикалық ветеринариялық зертхананың бас директоры Темірхан Амантайұлы Елшібаев, Қарқаралы ауданының әкімі Саят Кабиденович Мусин, Қарқаралы қаласының әкімі Аслан Рахимович Рахимбергенов және ҚР АШМ Ветеринариялық бақылау және қадағалау комитетінің Қарағанды облыстық аумақтық инспекциясының басшысы Ержан Мысырович Бекетбаев қатысты.
Салтанатты рәсім барысында Темірхан Елшібаев ветеринариялық инфрақұрылымды нығайту елдің эпизоотиялық әл-ауқатын қамтамасыз етудің, ауыл шаруашылығы өнімдерінің қауіпсіздігін қамтамасыз етудің және агроөнеркәсіптік кешеннің тұрақты дамуының маңызды шарттарының бірі екенін атап өтті.
Мемлекет басшысы қойған міндеттер аясында ветеринариялық инфрақұрылымды жаңғырту мәселелерінің маңызы артып келеді. Өз сөзінде Қасым-Жомарт Кемелұлы Тоқаев жануарлардың инфекциялық ауруларын бақылауды күшейту қажеттігін атап өтіп, бұған отандық мал шаруашылығының экспорттық әлеуеті тікелей байланысты екенін мәлімдеді. Осыған байланысты заманауи зертханалық базаны дамыту, диагностика сапасын арттыру және ветеринариялық қауіпсіздікті нығайту еліміздің агроөнеркәсіптік кешенін тұрақты дамытудың маңызды шарттары болып қала береді.
РВЗ ұжымы атынан Темірхан Елшібаев Мемлекет басшысы Қасым-Жомарт Кемелұлы Тоқаевқа ветеринария саласын дамытуға ерекше көңіл бөлгені үшін, Қазақстан Республикасының Ауыл шаруашылығы министрі Айдарбек Сейпілұлы Сапаровқа және министрлік басшылығына жүйелі қолдау көрсеткені үшін, сондай-ақ Қарағанды облысының әкімдігі мен Қарқаралы ауданының басшылығына жобаны іске асыруға көрсеткен жәрдемі үшін алғыс білдірді.
Жаңа ғимарат пен заманауи инфрақұрылым зертханалық диагностиканың сапасы мен жеделдігін арттыруға, зерттеулердің қосымша әдістерін енгізуге және ветеринариялық-санитариялық сараптама бағытын дамытуға мүмкіндік береді. Зертхананың өндірістік қуаты жылына 800 мыңға дейін зерттеу жүргізуге мүмкіндік береді.
Нысанның ашылуы өңірдің ветеринариялық инфрақұрылымын жаңғыртудың маңызды кезеңіне айналып, өңірдің ветеринариялық қауіпсіздігін нығайту бағытында орталық мемлекеттік және жергілікті атқарушы органдардың өзара іс-қимылының нақты үлгісін көрсетті.
